تعديل الساعة

هل بتلاقي الساعة عندك مرة واحدة مش مظبوطة .. سواء مقدمة ساعة او مأخرة ساعة ؟؟؟

غالبا المشكلة دي بتحصل بسبب ان
ال time zone
بيبقي معمول اتوماتيك

و دي معناها ان الساعة في التوقيف الصيفي تزيد ساعة اوتوماتيك
و في التوقيت الشتوي تقل ساعة اوتوماتيك بردو

طبعا احنا بعد ثورة 25 يناير التوقيت الصيفي اتلغي عندنا .. فمش محتاجين اننا نكون ظابطين الكمبيوتر انه يغير الساعة لوحده

الحل هنا انك بتلغي ان الساعة تتغير لوحدها في الايام المحددة لكده .. و اللي كانت اخر جمعة في شهر ابريل .. و اخر جمعة في شهر سبتمبر

بتروح من مكان ما بتظبط الساعة و بتدوس من فوق على
time zone
و بعدين بتلغي علامة الصح من على
automatically adjust clock for daylight saving changes

في ويندوز اكس بي و ويندوز 7 .. كانت مصر لسا بتخضع للتوقيت الصيفي
لكن في ويندوز 8 .. مش هتلاقي المربع بتاع و ده لان مصر وقتها كانت لغت التوقيت الصيفي

و لو انت عامل لويندوز 7 ابديت مش هتلاقيها موجودة بردو و مش هتحصل اي مشاكل في الساعة