المرايه بعيده جداا (مصطفى إابراهيم)

المراية بعيدة جداً......
و الطريق على مد شوفي....
.والفضول إللي ف عنيا إني أشوفني…..
مداري خوفي...
.وصف كل الخلق ليا
ليه تمللي عكس بعضه؟
.وكل وصف إتقال عليا....
ليه بييجي عكسه بعده؟
حد شايف...إني خايف...
غيره حاسس... إني بايع
حبه فاكرين إني عارف
حبة عارفين إني ضايع
طلعوا كل الطبايع...
والصفات الممكنة ….
وارسموني بفرشه تايهة....
م الأراء والألسنة.....
تطلع الصورة الغريبة...
لحد أصلا مش هنا.....
والنتيجة كل مادا....
صورتي تتلخبط زيادة....
وأنسي أصل شكلي إيه.....
وللا نفسي أشوفني ليه.....
حد زيي بعد فتره إزاي يصدق غير عينيه؟
نفسي أوصل للحقيقة....
قبل ما أوصل للنهاية....
نفسي أشوف صورتي الدَقيقة....
ولو دِقيقة....
ف المراية....
و المراية....
بعيدة جداً......
و الطريق على مد شوفي....
والفضول اللي ف عنيا إني أشوفني...
مداري خوفي..