بطل كسل !!

:: القــرآن الكريم ::

كلام الله عز وجل

واللى فيه الحل لكل مشاكل حياتنا

وفيه شفاء للصدور

ونور للقلب وللعقل والبصيره


ولأننا فى شهر رمضان

يعنى شهر بيتضاعف فيه الأجر

وشهر مبارك .. نزل فيه القرآن

يقول عز وجل :
شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ )



إزاى نكون فى هذا الشهر الكريم ونتكاسل عن قراءة القرآن الكريم ؟؟

إزاى نكون فى شهر به ليلة خير من 1000 شهر .. ونلهو ونلعب ؟؟


كيف نبتعد عن قراءة القرآن والله عز وجل يحذرنا فى آيته ويقول :

( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى )
؟؟


تعالى نسمع كلام حبيبك النبى عن ثواب قراءة القرآن :

قال صلى الله عليه وسلم: من قرأ حرفا من كتاب الله فله به حسنة، والحسنة بعشر أمثالها، لا أقول ألم حرف، ولكن ألف حرف ولام حرف وميم حرف.
رواه الترمذي وصححه الشيخ الألباني.


أنت متخييييييييل كم الثووواب ؟

ومتنساش اننا فى شهر مبارك بيتضاعف فيه الأجر


لو بجد تايه ومش عارف الطريق ازاى ..

لو الفتن انتشرت حولك فى كل مكان ..


اسمع كلام النبى فى الحديث ده :

علي بن أبي طالب قال: «سمعت رسول الله يقول: "ستكون فتن". قلت: "وما المخرج منها؟" قال: "كتاب الله، فيه نبأ ما قبلكم وخبر ما بعدكم وحكم ما بينكم، هو الفصل ليس بالهزل، هو الذي من تركه من جبار قصمه الله، ومن ابتغى الهدى في غيره أضله الله. فهو حبل الله المتين، وهو الذكر الحكيم، وهو الصراط المستقيم، وهو الذي لا تزيغ به الأهواء، ولا تلتبس به الألسنة، ولا يشبع منه العلماء، ولا يخلق عن كثرة الرد، ولا تنقضي عجائبه، وهو الذي لم ينته الجن إذ سمعته أن قالوا "إنا سمعنا قرآنا عجبا". هو الذي من قال به صدَق، ومن حكم به عدل، ومن عمِل به أجِر، ومن دعا إليه هُديَ إلى صراط مستقيم"».[51]


صدقت ياحبيبى يارسول الله ..



ودلوقت هتعمل ايه ؟؟

هتقولى انا عارف كل الكلام وبختم كمان القرآن مره واتنين فى رمضان ؟؟


هقولك جمييل اوى ..

تعالى بقى نخلى رمضان ده بداية جديدة للثبات على قراءة القرآن بعد رمضان وطول السنة

ودلوقت قوم افتح مصحفك

بس لحظة !!

قبل ما تفتح المصحف..

متنسااااش تفتح قلبــــــك

أفتح قلبك لأن اللى بيكلمك هو ربنا عز وجل

وتدبر حكمه وآياته .. وارجع للتفسير لو حاجة وقفت قدامك

وشجع اصدقائك وتنافس معاهم فى ختم القرآن ولكن بتدبر وفهم

وخلى ديماً معاك كشكـول واكتب فيه الآيات اللى أثرت فيك

أو اللى استوقفتك وحسيت انها بتكلم عنك ..

واكتب فهمك ليها وارجع للتفسير

وصدقنى هتلاقى ربنا عالم بحالك أوووى

يقول عز وجل : وَلَقَدْ خَلَقْنَا الإِنْسَانَ وَنَعْلَمُ مَا تُوَسْوِسُ بِهِ نَفْسُهُ
وَنَحْنُ أَقْرَبُ إِلَيْهِ مِنْ حَبْلِ الْوَرِيدِ.


ممكن بقى تبطــــــل كســــل وكفاية هجر للقرآن .!

--