بتحب الاغاااانى ... طب تعااالى

من طرف aya khaled السبت 02 فبراير 2013, 11:10 pm

ممكن تبطل تسمع أغانى بقى عشان خاطر ربنا؟؟
لازم تقرا الكلام ده...

من سنة تقريبا وقبل ما ربنا يكرمنى انى أبطل أسمع أغانى
كنت بقول فى بالى(ياااراجل ده مش ذنب كبير يعنى أهوه أحسن ما تشرب سجاير ولا تعمل فاحشة والكلام الكبير ده)
وكنت عارف الحديث بتاع الرسول عليه الصلاة والسلام "ليكونن من أمتي أقوام يستحلون الحر و الحرير و الخمر و المعازف،"
بس برضه النفس اللوامة فضلت ورايا ومخلتنيش أتهنى بأغنية واحدة على بعضها وفضلت تسألنى هى ليه الاغانى حرام والمعازف يعنى؟؟
ولما قريت أراء الأمة الأربعة أتخضيت...خدوا عندكم
الإمام ابو حنيفة رحمه الله :
وروي عن الإمام أبي حنيفة أنه قال: الغناء من أكبر الذنوب التي يجب تركها فورا.

الإمام مالك بن انس رحمه الله :
الإمام مالك نهى عن الغناء و عن استماعه، وقال رحمه الله عندما سئل عن الغناء و الضرب على المعازف: "هل من عاقل يقول بأن الغناء حق؟ إنما يفعله عندنا الفساق"

(كلام كبير صح؟؟ كملووا)

الإمام الشافعي رحمه الله :
سئل الشافعي رضي الله عنه عن هذا؟ فقال: أول من أحدثه الزنادقة في العراق حتى يلهوا الناس عن الصلاة وعن الذكر.

الإمام احمد بن حنبل رحمه الله :
قال عبد الله ابنه: سألت أبي عن الغناء فقال: الغناء ينبت النفاق بالقلب، لا يعجبني، ثم ذكر قول مالك: إنما يفعله عندنا الفساق"

كمان رأى سيدنا عبدالله بن مسعود سُئل عن هذه الاَية (وَمِنَ النّاسِ مَنْ يَشْتَرِي لَهْوَ الـحَدِيثِ لِـيُضِلّ عَنْ سَبِـيـلِ اللّهِ بغَيْرِ عِلْـمٍ )فقال عبد الله: انها فى الغناء, والذي لا إله إلاّ هو, وظل يردّدها ثلاث مرّات.
روي عن ابن مسعود انه قال : الغناء ينبت النفاق في القلب في القلب كما ينبت الماء البقل .

- قريت الكلام ده طبعا واسبهليت وعملت نفسى ساقط لغة عربية وفضلت أبرر لنفسى واقول ,لأ يمكن قصدهم انها لما تلهى عن ذكر الله تبقى حرام...وعرفت بعدين انها بتلهيك عن ذكر الله بطريقة مباشرة وغير مباشرة .الطريقة المباشرة:انك ممكن متسمعش الأذان يبقى فاتك فرض بسببها(قلت ماشى هبقى أوطى الصوت عشان أسمع الأذان ومش هلبس سماعات فى ودنى)
الطريقة الغير مباشرة: هل لو أنت بتحب الأغانى والألحان وبتحفظ الأغنية من تانى مرة بتسمعها فيها واللحن بيرن فى ودانك لحد قبل ما تنام ,هل ساعتها هتعرف تخشع فى صلاة...؟؟
أسألكم السؤال الى يوجع بجد؟؟
هو احنا فعلا بندوق طعم الخشوع فى الصلاة ونعرف نبكى كده واحنا بين ايدين ربنا من كتر ذنوبنا خشية العذاب وخشية نار جهنم وعذاب القبر والحاجات الى بنخاف نسمع عنها دى؟؟..أنا زعلان من نفسى لأنى حاسس انى مبعرفش اعمل كده اوى
وبكده تبقى الأغانى برضه لهتك عن ذكر الله والخشوع .
- وفعلا بطلت أغانى والحمدلله بعد ما اقتنعت ودعيت ربنا وانا بصلى يرزقنى الثبات فى الموضوع ده عشان انا بحبه وعايز رضاه عنى ,ودعيت كمان انه يبدلنى بشىء أجمل أتمتع بيه (حاجة حلال يعنى مش عيب على فكرة) ولقيت نفسى بسمع قرأن لشيوخ جديدة اول مرة اسمع عنهم منهم شيخ اسمه (ادريس أبكر)ربنا يباركله فعلاااا انا حبيته والله,وكمان بقيت أسمع أناشيد دينية تقربنى من دينى وتحببنى فيه زيادة ( طبعا اناشيد دى معاناها بدون معازف أظن الكلام واضح)
أنا عارف ان فى ناس هتقرا كلامى ده وتخاف شوية وتبطل تسمع أغانى وتشترى رضا ربنا وهى مقتنعة ان كلامى صح وهو طبعا مش كلامى...ده كلام ربنا ورسوله والى المفروض اننا نطيعة رغما عن أنفسنا وهوانا...مش هنسى أذكر لكم الأية الى خلتنى أحب أجاهد نفسى فى كل حاجة بتقابلنى فى حياتى, قال رب العالمين (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا.وَإِنَّ اللَّهَ لَمَعَ الْمُحْسِنِينَ)... أظن كده الرسالة وصلت
- انا هسيكم بقى مع نفسكم بقى , نفسكم اللوامة الى ربنا خلقها جوا كل واحد فينا واقسم بيها فى القرأن ( لاأقسم بيوم القيامة, ولا أقسم بالنفس اللوامة,أيحسب الانسان ألن نجمع عظامه)

اللهم ارزقنا حب منك بيقين...وا

هدنا صراطك المستقيم