من طرف aya khaled السبت 12 يناير 2013, 12:24 am
[color=brown]
[size=24]لكل بنوته نفسها تتجوز وتحب وتتخطب
لكل بنت قالبه حياتها جحيم ومنكده علي نفسها بسبب الموضوع ده ومستنياه بفارغ الصبر
لكل بنت بتسمع كلمه تضايقها بسبب تأخر سن زواجها
حاسة بيكى.. لان حالك زى حال ناس كتير زيك
[size=24]بس فكري بطريقه تانيه
الحياه مرحله وهتعدي بالطول او بالعرض رحله قصيره هيعيشها البني ادم ثم يموت ويبعث ليحي حياه اخري
المفروض يكون هدفه في الدنيا مش انه يجوز ويكون عنده ولاد ويعد يربيهم
لا الاول والاخير عباده الله عشان مننساش نفسنا فزينه الحياه الي هي الجواز والخلفه والمال وننسي اننا في الاخر مهما طال العمر او قصر هنتحط فقبر مترين فمتر وهنسأل عن حياتنا عملنا فيها ايه
احلي حاجه تعيشي تدوري علي سعادتك في الدنيا بدون معصيه الله حبك لله هيريح قلبك وينور بصيرتك وينزل عليكي سكينه عمرررك ما هتلاقي زيها
ليه بقي نحط في دماغنا سني بقي كام ولا غيري في ايده ايه مش في ايدي اكيد انتي كمان في ايدك حاجه مش في ايده صدقيني حتي ابقي ركزي ولو ملقيتيش تاكدي انه شيء انتي مش عارفاه
ركزي علي حياتك الأبديه ... بعد الممات والبعث دي بقي الي مافيهاش وسط يا ابيض يا اسود ياتعيشي فسعاده مطلقه يا فعذاب مطلق
الحياه مش مستاهله زعل عليها والله
عيشي حياتك كده وزقططي واحمدي ربنا عالنعم الي انتي فيها ومش حاسه بيها علي راحه البال عالصحه انك معندكيش عيل تعبان منكد عليكي ولا ابن عاق مطلع حباب عنيكي او زوج كل يوم ضرب واهانه وطرد وغيره
الحمد لله علي مستوي جمالك وبتشتغلي وعندك اسره
كل ده ومش عارفه تبقي سعيده
وموقفه سعادتك في الحياه بطولها وعرضها علي الزواج اي علي انسان مثلك
الانسان لا يمنح السعاده
السعاده يمنحها الله علي عباده الي عندهم رضا بالمقدر والنصيب والي عندهم صبر عالبلاء رغم ان الي انتي فيه متاخذينيش مش بلاء صدقيني
ممكن يكون امتحان
اوعي تفتكري ان الناس بتجوز وبترتاح تبقي غلطاااانه
مفيش راجل هيقدر يدلع ويحبك طول العمر بنفس الشكل والمقدار لان ببساطه دوام الحال من المحال وبالذات النفس البشريه متغيره من مرحله لأخري ولا انتي هتحبيه طول العمر بنفس المقدار والشكل ... وساعتها تبتدي تبحثي عن سبب سعاده اخر الي هوا يا المال يا الاولاد او غيره
وهي دي فتنه الحياه..... فكري وبصي للحياه من منظور ابعد
انسي ومعدتيش تفكري في الموضوع وركزي اهتماماتك علي حاجات تانيه اشغلي دماغك بحاجات تانيه والحياه مليانه
حياه البنت مش جواز بس يا جماعه الحياه اوسع من كده بكتير
انا نفسي نعمل زي الرجاله ... الرجاله مهما كبروا عن سن الزواج اه بيبقي حاسس انه ناقصه حجات بس مبيبقاش عايش في ضغط نفسي زينا طبعا لان المجتمع مش ضاغط عليه نفسيا زي ما ماضاغط علينا وده عيب مجتمع بلا شك
كلام الناس الي بيسود ىالدنيا فوش البنات البنت لما بتكبر سوقها بيقل والكلام الفاااارغ دا الي بيدفع البنات انها تقبل بأي صرصار والسلام عشان يبقي اسمها اتجوزت مش عانس وبعد ما تجوز تشوف الويل وساعتها بس بتفوق .... وتشوف انها كانت غلطانه لما اتأثرت لضغوط المجتمع واتجوزت من شخص لا يليق بيها بس عشان تسكت السنتهم .. وساعتها يا هتضطر تستحمل عيشه مقرفه برده عشان متاخدش لقب مطلقه فنفس المجتمع المريض يا هتتطلق وبرده تعاني
يبقي كانت تفضل بنت احسنلها عالاقل محدش هيتكلم عليها وقاعده بكرامتها
مع الاعتزار طبعا لكل مطلقه الاسلام كرمكم والناس اهانتكم ...
حاولوا تلاشوا كللللل ضغوط المجتمع وحبي نفسك وعيشي عشان تبسطيها وتبسطي الي حواليكي وترضي ربنا عليكي
ومتستعجليش .... وادعي ربنا يكتبلك الخير ايا كان ثم يرضيك به
اسعد الله قلوبكم حبيبااااتى
الأربعاء 13 يوليو 2016, 6:47 pm من طرف زائر
» الإلحاد ظاهرة أم موضـــة
الأربعاء 29 يونيو 2016, 3:18 am من طرف General manger
» الحب الزائف
الجمعة 10 يونيو 2016, 1:35 am من طرف General manger
» تلاوة جميلة للشيخ محمد قدي
الإثنين 03 نوفمبر 2014, 9:28 pm من طرف haitam1984
» الهاكم التكاثر بصوت رائع للشيخ ناصر القطامي
الإثنين 03 نوفمبر 2014, 8:46 pm من طرف haitam1984
» حكم من سب الله للشيخ ابو مصعب- مجدي حفالة.
الإثنين 03 نوفمبر 2014, 8:26 pm من طرف haitam1984
» تخيل لو ان المصطفى صلى الله عليه وسلم امامك
الإثنين 03 نوفمبر 2014, 7:54 pm من طرف haitam1984
» الابتلاء والفتن للشيخ مجدي حفالة
الإثنين 03 نوفمبر 2014, 7:51 pm من طرف haitam1984
» الاخاء المزعوم للشيخ ابو مصعب مجدي ابو حفالة
الإثنين 03 نوفمبر 2014, 7:42 pm من طرف haitam1984